پوختە
بۆ هەر وتارێک ده‌بێ پوختەیەکی چڕوپڕ ئامادە بکرێ (زیاتر لە ٢٥٠ وشە نەبێ). لە پوختەکەدا دەبێ بەکورتی باس لەوە بکرێت کە ئامانجی توێژینەوە چی بووە. چ ڕوانگه و میتۆدولۆژیه‌ک په‌یڕه‌و ده‌کات، ئەنجامە سەرەکییەکان چی بوون و دەرەنجامی کۆتایی بە کوێ گەیشتووە. پوختەکان دەبێ بە شێوازێکی جیاواز لە وتارەکان ئامادە بکرێن.
وشە کلیلییەکان
دوابەدوای پوختە، دەبێ وشە کلیلییەکان دابندرێ کە لە هەشت وشە زیاتر نەبن. هەروەها کەڵک لە چه‌مکی گشتی و بە شێوەی کۆ مەگرن و چەمکی چەند لایەنە بەکار مەهێنن.
دابەشکاری وتار
ئەگەر وتارەکانتان بە سەر چەند بەشدا دابەش کراوە دەبێ بە ڕوونی پێناسەی بۆ بکەن و دەتوانن بە ژمارە دیاری بکەن. شێوازی بەکارهێنانی ژمارەکان بەم شێوە بێ ١. ٢. (هەروەها ١.١، ١.١.١، ١.١.٢ و هتد). دیارە کە پوختەی وتار ناکەوێتە ناو ئەم شێوازی ژمارەبەندییەوە.
خشتە و شکڵەکان
خشتە و شکڵەکان دەبێ لە کۆتایی وتارەکەدا دابندرێن. تکایە ئاگاداری ئەوە بن کە ژوڕناڵەکە بە شێوازی ڕەش و سپی چاپ دەبێت.
سەرچاوەدان
نووسەرەکان دەبێ لە دوایین ڤێرژنی شێوازی سەرچاوەدانی ئه‌ی-پی-ئه‌ی کەڵک وەرگرن. تکایە بۆ زانیاری زیاتر لەسەر ئەم شێوازی سەرچاوەدانە سەردانی ئەم ماڵپەڕە بکەن:
www.apastyle.org
سەرچاوەدانی ناو دەق
تکایە لەوە دڵنیا بن کە هەموو ئەو سەرچاوانەی کە لە ناو دەقەکەدا بەکار هاتوون لە لیستی سەرچاوەکانی کۆتاییدا هاتبێتن. لە پوختەکەدا نابێ سەرچاوە بەکار هاتبێ. ئەنجامی چاپنەکراو و هەروەها ئەو زانیارییانەی کە لە ڕێگەی پەیوەندی شەخسییەوە دەست کەوتن نابێ لە لیستی سەرچاوەکاندا بێن، هەرچەند دەکرێ لە ناو دەقەکەدا ئاماژەیان پێ بکرێت. سەرچاوەدان بەو سەرچاوەی کە “لە ژێر چاپدایە” بەم شێوە دەبێ کە بوترێ بۆ چاپ پەسەند کراوە.
لیستی سەرچاوەکان
سەرچاوەکان دەبێ سەرەتا دەبێ بە شێوەی ئەلفوبێ ڕێک بخرێن و دواتر، ئەگەر پێویست بوو، لە هەناویدا بەشێوەی کاتمەند ڕیز بکرێن. زیاتر لە یەک سەرچاوەی نووسەرێک کە لە یەک ساڵی دیاریکراودا چاپ بوو بێت، دەبێ بە پیتی جیاواز دەستنیشان بکرین کە ئەم پیتانە لە دوای ساڵی چاپکردنی سەرچاوەکە دادەندرێن.
نموونەی سەرچاوەدان:
میناکی سه‌رچاوه‌دان به وتاری بڵاوکراو له ژورناڵ
فان دێر گیر، جه‌ی.، هانڕادز، جه‌ی.، ئا،جه‌ی. له‌گه‌ڵ لوپتون، ئاڕ. ئا. (٢٠٠٠). هونه‌ری نووسینی وتارێکی زانستی. ژورناڵی په‌یوه‌ندییه زانستییه‌کان، ١٦٣، ٥٩-٥١.
سه‌رچاوه‌دان به کتێب
سترانک، دابیلیۆ. له‌گه‌ڵ وایت، ئی. بی. (١٩٧٩). تایبه‌تمه‌ندییه‌کانی شێواز. (پێداچوونه‌وه‌ی سێهه‌م). نیویۆرک: مه‌کمیلان
سه‌رچاوه‌دان به لاپه‌ڕه‌یه‌کی ئینته‌رنێتی
Smith, Joe, (1999), One of Volvo’s core values. [Online] Available: http://www.volvo.com/environment/index.htm (July 7, 1999)
چێک‌لیستی ئامادەکاری بۆ ناردنی وتارەکان
پێش لەوەی وتارەکەتان بنێرن، تکایە ئەم خاڵانەی خوارەوە ڕەچاو بکەن:
١. ئەو وتارەی کە دەتانەوێ بینێرن نابێ پێشتر لە شوێنێکدا چاپ کرابی یان ئەوەیکە بۆ هەڵسەنگاندن بۆ ژوڕناڵێکی دیکە ڕەوانە کرابێت.
٢. وتارەکان دەبی بە دوو شێوازی وۆردی مایکرۆسافت و پی‌دی‌ئێف ئامادە بکرێن.
٣. وتارەکان دەبێ بەو شێوەیە ئامادە کرابن کە لە ڕێنوێنیی ژوڕناڵەکەدا ئاماژەی پێکراوە.
٤. نووسەر/ـەکان نابێ لەو دەقە سەرەکییەدا کە دەینێرن ئاماژە بە ناوی خۆیان و هەروەها پیشە و نازناوی زانستی خۆیان بکەن.
٥. نووسەر/ـەکان ده‌بێ هەموو بابەت و هەلومەرجەکانی ژوڕناڵەکە بخوێننەوە.
ژوڕناڵی لێکۆڵینەوەی ڕۆژهه‌ڵاتی ناوین به ژماره‌ی ستانداردی نێونه‌ته‌وه‌یی جۆرناڵ ٢٥٠٩-٩٢٢١ ڕه‌وتی نهێنی داوه‌ری و پێداچوونه‌وه‌ی وتار په‌یڕه‌و ده‌کات و به شێوه‌ی هاوبه‌ش لە لایەن ئەنیستیتۆی نێونه‌ته‌وه‌یی بۆ لێکۆڵینەوەی کۆمەڵگای کوردی سه‌ر به شاری گوتینگنی ئه‌ڵمانیا و ناوه‌ندی کوردی بۆ لێکۆڵینه‌وه‌ی ڕۆژهه‌ڵاتی ناوین سه‌ر به زانکۆی سۆران له حکۆمه‌تی هه‌رێمی کوردستانی عیراق بڵاو دەبێت.
